A C A R A
PARTANGIANGAN MAMASUHI BAGAS
D. F. Sitohang/ br. Pakpahan
JL. Lembur 2 RT 01/RW 02 Jati
Rangga
1.
PANGARADEON DIRI (U: Uluan; R: Ruas; A: Ama; I: Ina;
Sh: Suhut)
U: Hamu angka dongan na hinaholongan di bagasan
Goar ni Tuhan Jesus Kristus Tuhanta i, tama
itahamauliatehon asi ni roha ni Debata, na mangaramoti hita di ganup ngolunta. Jala goklas ni roha hita marpungu
di bagas ni keluarga D.F. Sitohang/br. Pakpahan. Mandok mauliate ma hita ala saluhut denggan basa ni Debata,
ita puji ma Ibana, ita endehon ma goarNa na badia i, na jumadihon saluhutna di portibi
on.
R: Pujionku ma Jahowa sian nasa gogongku, ai tung
na songkal do pambahenanNa sudena.
U: Antong ria
marende mangendehon dengganbasaNa i.
2. MARENDE BE. No. 4:
1+3 Sai puji Debata BL. 148 F=Do
1. Sai puji Debata dibaen asi rohaNa. Huhut tongtong
basa di nasa tinompaNa Ria ma hita be mamuji Debata ai sesa do nuaeng, dosanta
i dibaen.
3. Dibahen i tama pujion ni rohanta, Tuhanta
Debata nang Jesus pe anakNa. Nang pangondian i, naung ro tu hita on. Manggonti Jesus i, puji on do tongtong.
3.
VOTUM – INTROITUS
– TANGIANG
U: Marhitehite
Goar ni Debata Ama, dohot Goar ni AnakNa Tuhan Jesus Kristus dohot Goar Tondi Parbadia,
Amen. Mariaria do tondingku mida Debata sipalua ahu. Ai ditatap do haetehon ni naposona
on. Parhatuaon ma ahu olatni on marsundutsundut. Ai habalgaon do dibahen pargogoi tu ahu, na badia do GoarNa.
R: Pinuji ma
Debata pardengganbasa i, na tau partanobatoan di ari hagogotan dohot di tonga
ni angka na serep marroha.
U: Oloi hamu ma Jahowa marhite las ni roha, ro be
ma hamu marhite olopolop. Mandok mauliate ma hamu di Ama i naung patauhon hamu
manjalo tohap dibagasan hatiuron i, siteanon ni angka nabadia.
R: Tu Ho do ahu joujou ale Jahowa sai tangihon ma
soara ni sombasombangku, molo hupaherbang tanganku tu bilut ni habadiaonMu.
U: (Martangiang ma hita): Ale Jahowa
Debata parasiroha na sumurung, mauliate hudok hami tu Ho, ala dijou Ho hami tu
angka punguan na badia. Ditatap Ho do hami ale Tuhan di bagas ni dongan nami
on, di las ni roha ni nasida, bagas on dilehon Ho tu nasida. Ale Tuhan, rap
mandok mauliate do hami tu Ho, pasupasu ma nasida marhahipason mangingani bagas
nasida on. Songoni nang sude angka na bongot dohot na ruar sian
bagas on dapotan pasupasu dohot las ni roha. Asi ma rohaM ala ni AnakMu Tuhan Jesus Kristus, Tuhannami, Amen.
4.
MARENDE BE. No. 188: 2+5 Jahowa Siparmahan au BL. 131 G=Do
2. Di togu
au tu na tio, aek mata hangoluan; Dibahen do tondingki sio, di dalan hasonangan.
Sabam rohangku do tongtong, saleleng au di tano on, baen sangap di goarNa.
5. Tongtong
do denggan ni basaM jambarhu di ngolungku, tongon do asi ni rohaM, mangihut di
langkangku. Dung i, dung suda bohalhi, sai ingananku jabuMi saleleng ni lelengna.
5. PUJIAN TU
PARJABU MOLO DAULAT MARROHA
U: Martua ma ganup na mangkabiari Jahowa, na
marparange di angka dalanNa i. Sai panganonmu do na niula ni tanganmu, martua ma ho jala sonang.
R: Tudoshon hau anggur na marparbue do ianggo
jolmam di bagasan angka bilut ni jabum, tudoshon tunas ni hau jetun do angka
anakmu humaliang mejam.
U: Ida ma, sai songoni do tongon dapotan pasupasu
baoa, na mangkabiari Jahowa. Sai pasupasuon ni Jahowa ma ho sian Sion, asa
paidaidaonmu hinadenggan ni Jerusalem ganup ari saleleng ho mangolu.
R: Jala ingkon idaonmu do angka pahompum tubu ni
anakmu. Hasonangan ma songgop tu Israel. Amen.
6. MARENDE BE. No. 159: 2-3 Martua dongan angka
na BL. 201 C=Do
2. Martua baoa dohot
inaina, sisadaroha mida Jesus i. Na rap marholong roha di Tuhanna, marsaulihon
hatuaon i, na sahat sian asi ni rohaNa tu halak na porsea sasude; i do dibaen
nasida haposanna, manang boha parsorionna pe.
3. Martua na saripe pangajari di anakkonna, asa tong burju. Na so
marpasohotan ganup ari tumangiangkon angka i tutu tu Tuhan Jesus, asa sai Ibana
mamasumasu sasudena i, huhut dilehon asi ni rohaNa, manogihonsa tu lambungNa i.
7. LAPATAN DOHOT OJAHAN NI BAGAS DI
ANGKA NA PORSEA
U: Hamuna
dongannami na marlas ni roha; keluarga D.F.
Sitohang/br. Pakpahan. Nunga dipaloas Debata hamu paulihon dohot mangingani bagas on, dia do impola ni bagas on di
ngolumuna ?
Kel: Basabasa dohot silehonlehon ni Debata do bagas
on, sihalashonon jala sipangkeonnami ganup ari martangiang di bagasan pos ni
roha tu Tuhan i. Inganan panjangkonon di
pasupasu ni Tuhan i,
U: Nunga dipasahat Debata bagas on
tu hamu, asa pakeonmuna bagas on patupahon na denggan tu keluargamuna, donganmuna,
tu masyarakat nang tu huria ni Tuhan i. Ingot hamu ma Hata ni Debata di Yosua
2: 18b, na mandok: “ ...jala papunguonmu tu lambungmu di jabu on natorasmu
dohot angka ibotom dohot sandok pinompar ni amangmu”.
Kel: Dibasabasahon Debata bagas on di hami, bahen
inganan parsaoranami di keluarga besarnami, inganan pardamean dohot parolopolopon
ala ni Tuhan i.
U: Dipauli
hamu do bagas on di atas ojahan batu, dohot marhite hansinghansing na togu,
alai boto jala ingot hamu ma: Ianggo hatoguon ni bagas on, i ma molo dipaojak
jala dipajongjong, di atas ni ojahan na togu jala na manongtong i, i ma Jesus Kristus i.
R: Mian ma hamu di bagas na uli on, di bagasan
dame dohot hasadaon, di bagasan hatoguon ni haporseaon dohot panghirimon, Di bagasan
las ni roha nang di parungkilon masihohot tu Tuhan i.
Kel: Ale Tuhan, sai
dongani ma hami di bagas on, dohot di angka ulaon nang pardalanannami!
U: Bagas
on naeng ma habaoran ni pasupasu dohot dame maradophon saluhutna na ro tu bagas
on, nang maradophon masyarakat pe.
R: Ale
Tuhan, sai usehon ma pasupasuMi tu dongananmi di bagas on, asa taripar
pasupasuMi, nang tu angka dongannami pe.
U: Ianggo
bagas na binasabasahon ni Tuhan i, bahen inganan pangajarion di poda na tama
dohot di Hata ni Tuhan i, inganan pados tahi dohot pandapot, laho mangulahon na
denggan jala na uli marhite na
masilehonan roha dohot pikiran.
Kel: Paingot ma
hami Tuhan di bagasnami on, manghangoluhon
parsaorannami di bagasan dame tongtong mangajarhon na denggan jala na
uli, dohot parbinotoan di Hata ni Debata.
U: Ale Tuhan, sai ajari ma nasida ganup ari, asa
tarbege sian bagas on angka barita na denggan na tau sihalashonon. Ende pujipujian
dohot pelean na hushus, na marparangehon haserepon dohot hadameon.
S: Amen.
8. MARENDE BE. No. 463: 1 PasupasuM tongosonMu
BL. 312 Bes=Do
1.
PasupasuM tongosonMu, i do
didok hataMi, suru TondiM na badia, bosur bahen rohangki. HagogoonMu,
songgop ma tu rohangkon. Unang sai holan manetek, gohi sandok diringkon.
9. JOUJOU MANGOLU DI HATA NI DEBATA
U: Alai anggo ho, hatahon ma na domu tu poda na
tingkos i, naeng ma marroha na torang angka natuatua, daulat, toman, hisar
marhaporseaon, marholong jala marbenget ni roha. (Titus 2:1-2)
A: Songoni angka parompuan natuatua: Marparange
na tama di na badia i, unang panihasnihasi, unang hatagian di anggur; angka
sipodahon na denggan. Naeng ma apoapoannasida angka parompuan na poso,
manghaholongi sinondukna dohot anakhonna.
I: Hamu angka baoa, haholongi hamu pardihutamuna
be, jala unang ma jungking hamu maradophon nasida. Unang gintali hamu angka
anakkonmuna asa unang mandele.
R: Hamu angka dakdanak, sandok pangoloi ma hamu
di natorasmuna, ai i do dihalomohon Tuhan i.
U: Martua ma baoa na mangkabiari Jahowa, na lomo
roha situtu di angka patikNa. Sangap ma pinomparna
i sogot di tanoon, dapotan pasupasu ma sundut ni angka partigor sogot.(Psalm 112:1-2)
10. MARENDE BE. No. 15: 6 Autna saribu hali
ganda BL. 103 F=Do
6. Ai ise
do mamasumasu au on, o Debata, nda Ho? Pamatangkon ro di tondingku sai diparmudumudu
Ho. Huhut lambas do rohaMi manatap pardosaonki.
11.
TANGIANG PANGONDIAN
12. MARENDE BE. No. 248: 2 Saleleng Ho di tano on
BL. 18 As=Do
2. Sai songon hau na denggan ho, ramos parbueni, bulungna
pe nauli do antong sai tiru i.
13. J A M I T A:
14. MARENDE BE.No.435:1-3 Marolopolop tondingki BL.294 G=Do (P.P
e l e a n)
1.
Marolopolop tondingki, ai naung ditobus Jesus i. Hamu sude bege ma i, sai las rohangku
mandok i. Sonang ni tingkii, dung jumpang Jesus Tuhanki. Tondina mangajari au,
tarbaen marlas ni roha au. Sonang ni tingki i, dung jumpang Jesus Tuhanki.
2.
Tu Jesus sahat ngoluki Saleleng ni lelengna i. Rap dohot au endehon ma endengku
na imbaru da. Sonang ni tingki i, dung jumpang
Jesus Tuhanki. Tondi na mangajari au, tarbaen marlas ni roha au. Sonang ni
tingki i, dung jumpang Jesus Tuhanki.
3. Tu Jesus sahat ngolungki. Saleleng ni leleng na
i. Rap dohot au endehon ma endengku na imbaru da. Sonang ni tingki i, dung
jumpang Jesus Tuhanki. Tondi na mangajari au, tarbaen marlas ni roha au. Sonang ni tingki i, dung jumpang Jesus
Tuhanki.
15. TANGIANG
PELEAN+ALE AMANAMI+PASUPASU
16. (Mangendehon) AMEN,
AMEN, AMEN.
