INA MARPANDE TONUN

 Balintang ma Pagabe, tumundalhon Sitadoan;

Arinta ma gabe, molo masipaolooloan.

HOLAN DAKDANAK NA METMET AU

Buku Ende HKBP No. 549. HOLAN DAKDANAK (BL 378)

 

1.      Holan dakdanak na metmet au, alai na boi au tu Jesus lao. / Holan Ibana oloanhi, paima sahat tu surgo i. / O Tuhan Jesus jangkon au on, tung so margogo dakdanakMon. / Di Ho ngolungku, pangke ma i, tau hasangapon di goarMi.

2.      Di pangunjunan ramoti au, sai marsaringar hataM di au. / Nang natorashu taiti tu Ho, sai naeng humatop nasida ro. / O Tuhan Jesus, d.u.

3.      Torop dakdanak dao sian Ho, tung so ditanda, o Tuhan Ho. / Arahononhu nang angka i, asa lam ganda naung sonang i. / O Tuhan Jesus, d.u.

 

WW No.49

 

MANGARATARATI AKSARA BATAKTA I

ANGKA SISIASIA NI HATA BATAK 

NA RINGKOT

 

Paraturan parjolo i do siingotonta laho manontuhon angka sisiasia na ringkot. Sadia torop do angka saringar na marasingasing, jala piga saringar na padosdos na boi pasadaon?

Mangihuthon naung tapangke di angka tingki na salpu, nunga tuk holan sisiasia na di toru on:

1.    sisiasia na marsaringar, i ma: a, i, u, e, dohot o.

2.    sisiasia pandongani, i ma: b, d, j, g, h, k, l, m, n, ng, p, r, s, dohot t.

 

Di mulana adong ma19 sisiasia na ringkot pangkeonta.