A L E A L E

A L E A L E

Molo,

gabe dipardongan ho sadasada halak,

ala dihilala roham na tarlobi ibana,

di sada tingki metmet ma roham mida ibana,

ala dapot ho marpiga hahuranganna.

Molo,

gabe dipardongan ho sadasada halak,

ala dihilala roham naburju ibana,

di sada tingki metmet ma roham mida ibana,

ala dapot ho na roa di ibana.

Molo,

gabe dipardongan ho sadasada halak,

ala hira dos angka hasonanganmuna,

di sada tingki metmet ma roham mida ibana,

ala dapot ho gok hape hamimimbarmuna.

Molo,

gabe dipardongan ho sadasada halak,

ala sai las roham dibahen,

di sada tingki metmet ma roham mida ibana,

ala dok roham di bahen.

Molo,

Debata donganmu,

botoonmu ma sude donganmi,

jolma na somal do.

gabur,

tibu marsala,

tibu humurang,

tibu mamintori diri.

Ndang adong na simpan di jolma i.

Molo,

jalahanmu donganmu jolma na rimpas!

na marnipi do ho di si!

gabe jut maon roham.

Pahe ma roha ni Debata,

dihaholongi Ibana do hita uju ndang talup hita haholongan,

uju mardosa,

uju marhahurangan,

do hita on dihaholongi Ibana.

"Dihaporseai si Abraham do Debata,

jala i do dirajumi tu ibana gabe hatigoranna"

jala targoar do ibana

"aleale ni Debata."

(Jakobus 2: 23)