MARLAS ROHA RAP DOHOT DONGAN NA BURJU MARROHA

 

ACARA PARTANGIANGAN

MAMASUHI BAGAS

 

Keluarga

Agus Mangara Tua Situmorang, S.E./

Meliyani Sari br. Silitonga, S.E.

(Ama/ina Axel Darren Joshua)

 

 

 

 

Sabtu, 8 Mei 2021

 

 

di

 

 

 

Perumahan Wisma Kenanga

RT.3/RW.9 No. 20b Jatiwarna

 

 

 

 

I.      Joujou tu Parsaoran (L: Liturgis; R: Ruas; K: Keluarga; S: Sude)

 

L:   Huria ni Tuhanta na hinaholongan di bagasan Goar ni Tuhan Jesus Kristus, pinuji ma Amanta Debata na paborhathon marpungu di inganan on. Di tingki on, marpungu hita manghalashon pasupasu ni Debata di tongatonga ni Kel. Agus Mangara Tua Situmorang, S.E./Meliyani Sari br. Silitonga, S.E. Dipasupasu Debata nasida di angka ulaonna, dipasinghop angka las ni roha, tarlumobi na paulihon bagas on. Asa songon na nidok ni natuatua ma dohonon: Andilo nahinan hadanghadangan saonari; na pinarsinta nahinan, dapotonta ma saonari.

 

R:   I ma tutu

 

L:   Martahuak manuk mira di pogu ni alaman; sai dilehon Debata ma angka na denggan na itaparsinta, jala sai dipataridahon ma angka na jinalahan

 

R:   I ma tutu

 

L:   Nunga bongot hita tu bagas ni Kel. Agus Mangara Tua Situmorang, S.E./Meliyani Sari br. Silitonga, S.E. Hata ni Debata mandok: Molo so Jahowa na paulihon bagas, loja sambing do angka na mamandei. Antong nunga diloas Debata dipajongjong bagas on marhite angka pande bagas, nuaeng masuhanta ma bagas on di bagasan Goar ni Debata Ama, Anak, dohot Tondi Parbadia. Amen. Puji ma Jahowa, ale tondingku, jala nasa rohangku di bagasan mamuji GoarNa na badia i.

 

K:   Puji ma Jahowa, ale tondingku, jala unang tung halupahon denggan ni basaNa sudena. Mauliate ma rohanami di Ho Tuhan Jahowa. Sian Ho do nasa na adong di ngolunami. Sai pasupasu jala ramoti ma hami. Pangke ma ngolunami dohot nasa silehonlehonMi tau hasangapon di goarMu.

 

S:    Amen.

 

II.      Partangiangan

 

1.  Marende BE HKBP No. 14: 1-2 Puji hamu Jahowa Tutu (BL.57) Bes=Do 4/4

 

1.     Puji hamu Jahowa tutu, pardengganbasa,

Parasiroha salelengna i,

Pardengganbasa i, parasiroha i.

 

2.     Ingot tongtong ale tondingkon, sude na denggan,

Na dipasonggop Debata tu ho.

Denggan basaNa do na pangoluhon ho.

 

 

 

 

2.   Votum – Introitus - Tangiang

 

L:  Marhitehite Goar ni Debata Ama dohot Goar ni AnakNa, Tuhan Jesus Kristus dohot Goar ni Tondi Parbadia, na tumompa langit dohot tano on

 

R:   Amen

 

L:   Bongoti hamu ma angka bahalNa marhitehite hamauliateon, angka alamanNa marhitehite pujipujian, mauliate ma rohamuna tu Ibana, puji hamu ma goarNa

 

R:   Ai pardengganbasa do Jahowa, ro di saleleng ni lelengna do asi ni rohaNa, jala marsundutsundut do hasintonganNa

 

K:  Alai anggo ahu dohot donganhu sajabu, ingkon Jahowa do oloannami. Mauliate ma rohanami di Ho, ale Tuhan Debata. Ho do na mamasumasu ulaonnami dohot keluarganami. Pasupasu ma hami, ingani rohanami laho mamangke bagas na pinasahatMu on, asa gabe bagas sibahen las ni roha on, ala holong ni rohaM.

 

L:   Martangiang ma hita: Ale Tuhan Debata, Parasiroha na sumurung! Mauliate rohanami tu Ho alani godang ni asi ni rohaM di hami. Diurupi Ho do Kel. Agus Mangara Tua Situmorang, S.E./Meliyani Sari br. Silitonga, S.E. paulihon bagas on sian na mamungka pajongjonghonsa sahat ro di nuaeng. Pujionnami ma Ho ro di saleleng ni lelengna, nunga sidung bagas na pinasahatMu on, pasupasu ma asa pangkeonnasida gabe bagas sibahen las ni roha on, ala holong ni rohaM. Sian Ho do dijalonasida angka silehonlehonMi, umbahen na sun bagas on, pasupasu sude angka na paulihonsa. Sai parmahani ma keluarga on di bagasnasida on tu joloan on. Sai dongani ma hami marhitehite Tondi Parbadia, asa lam hot haporseaonnami di AnakMu, Tuhan Jesus Kristus Sipalua hami. Amen.

 

3.   Marende BE HKBP No. 116: 1 Ditompa Ho do au (BL.243) G=Do 4/4

 

Ditompa Ho do au, sondangi rohangkon

Tung basabasaMi sudena di au on

Gomgomi pamatanghu, naeng Ho do oloanku

Sai lehón ma gogongku, lomoM naeng ulaonku

Urupi, tatap au tutu, Panompa na burju

 

 

 

 

4.   Manjaha hata ni Debata:

 

L:   Hata ni Debata, Sijahaonta di Partangiangan on, na tarsurat di Mateus 7: 24-27. Asa na umbege hatangKi jala diulahon, sipatudoson ma i tu halak na marroha, na paulihon bagasna di atas batu mamak.

 

R:   Ia ro pe udan potir, mangalantap pe tangkuju jala pur pe habahaba manondong bagas i, ndang na marumpak, ai batu mamak do haojahanna.

 

L:   Alai na umbege hatangKi hape ndang diulahon, i ma sipatudoson tu halak na oto, na paulihon bagasna di atas rihit.

 

R:   Dungi ro ma udan potir, mangalantap ma tangkuju, pur ma dohot habahaba manondong bagas i, gabe marumpak ma, pola tung marongso.”

 

L:   I do sahat na. Martua do angka na tumangihon hata ni Debata jala na umpeopsa. Amen.

 

5.     Marende BE HKBP No. 714: 1 Tuhan na Marmahan hami Es=Do 4/4 

 

1.     Tuhan na marmahan hami, togu hami ruasMon

Lehon dameMi di hami, angka na hinophopMon

Tuhan Jesus, Sipalua, parmahani ruasMon

Tuhan Jesus, Siparmahan, parmahani ruasMon

 

6.     Tangiang Pangondian

7.     Marende BE HKBP No. 763: 1 Molo Jesus Donganmi G=Do 4/4

 

1.    Molo Jesus donganmi las roham, Jesus i Pangurupim las roham

Hot haporseaonmi, dohot pos ni rohami mardonganhon Jesus i las roham

Las roham, las roham, mardonganhon Jesus i, las roham

Marsinondang ma di ho, bintang panghirimon i

Mardonganhon Jesus i, las roham.

 

8.     Jamita

9.     Marende BE HKBP No. 792: 1... Pasupasu Hami o Tuhan D=Do 4/2 (Pelean)

 

1.   Pasupasu hami o Tuhan, sai usehon dameM i

Sai ampehon tanganMi Tuhan, lehon tu au gogoM i

Di portibi on, baen ma au Tuhan habaoran ni las ni roha

Tu na marsak i, tu na dangol i, gabe pangapuli i

Pasupasu hami o Tuhan, sai usehon dameM i

Sai ampehon tanganMi Tuhan, lehon tu au gogoM i

 

2.    Di portibi on, baen ma au Tuhan monang maralohon dosa

Dibaen gogoM i, talu musu i sibolis pangago i

Pasupasu hami o Tuhan, sai usehon dameM i

Sai ampehon tanganMi Tuhan, lehon tu au gogoM i

 

10.           Tangiang Panutup