T E R E N G E T A K U - T A R I N G O T A H U

T E R E N G E T     A K U

Aku, Nikson Eduard Parlindungan Simangunsong 

Tahun 1968 tubuh i Pasar Lama SIDIKALANG, densing "Bona ni Pinasa" ngo aku, omakku berru Sinamo. Lolo kalohon kuakap pinempar ni Tebba Pakpak.

Mbelgah i kuta Batang Beruh gembarken simpang Barisan Nauli.

Sikolaku dahke, SD Inpres Barisan Nauli, SMP Negeri 

Salak, pindah mi SMP Negeri 2 Sidikalang, trus STM Pemda Dairi.

Gereja nami kin i HKBP Simerkata Pakpak i Barisan Nauli gembarkan SMPN 1 Sidikalang, gembarkan SMPN 2 Sidikalang, gembarken TK Pertiwi Sidikalang, gembarken Kantor Bupati Dairi, gembarken Stadion Sidikalang, Gembarken lapangan Tennis Sidikang.

Pernah ngo aku, merembah sudako i Kalang tahun 1986 soh mi 1989, i Gerbang si Pasi mi Puncak Sidiangkat, bagi ma boi mi Batu Kapur Parsaoran Nauli. Sekalisekali mi SPG Laembulan, Penjaraten. Panji, Simpang Tellu, Sigalingging, Laehole, Sumbul. Sekalisekali ma mi Parongil, Tigalingga, Sukarame, Salak, Sibande, Lae Kacimbe. Kum Tahun Baru, nggeut so mi Medan engket Siantar. Bue dahke sewa, kalak si Mudik.

Tapi arnia i ngo i.

Bagendari weh, ngo pandita HKBP aku. I Bekasi HKBP Pondok Gede mo aku merkebbas.

Sekali pernah mertugas merjamita aku i sada gereja. Roh mo dahke sada kalak mi Konsistori penter nina :”merkade nola ko mi sen weh?”. Kan kono ngo na supir sudako i kalang bari?

Oda kade terdokken aku weh! Kerna lolo ni atena ngo jumpa kami i Jakarta kota siribur en. Ndaoh kan kalang nari!

Na kudokken, ulang engetenget kene si arnia i. Simendena mo mijolo, milebbe mo kita dalani.

Bagi Silih, bagi ti turang, bagi ti impal. Bagi mo  baen dene karinana!

Sodip bai karina pengisi ni kutangki. Njuahnjuah kene karina. Mergegoh kene mengadeppi si masa en.

Tahun 1987