MANGHOBASI PUNGUAN NI OMPU RAJA NATANGKANG OMPUSUNGGU

PARTONDING NI

PARTANGIANGAN BONA TAON 2018

PUNGUAN NI OMPU RAJA NATANGKANG OMPUSUNGGU

BORU, DOHOT BERE SE-JABODETABEK

Di Villa Junior Cisarua Puncak Bogor

24-25 Maret 2018

 

Tema: “…Ingot hamu ma holong ni roha sama dongan Kristen! Masijolojoloanan ma hamu masipasangapan!”

 (Roma 12:10)

I.             PANGARADEON (Protokol)

II.          IBADAH

1.      Invocatio

L    : Tabe ma di hamu! Nunga salpu sada taon, tung godang do itajalo angka pengalaman na denggan dohot pengalaman na buruk di taon naung salpu i, i do na laho bohal jala parsiajaranta laho mangeahi taon na imbaru. Nunga bongot hita tu taon na imbaru, na dibasabasahon Debata tu hita. Antong ale dongan, itapungka ma taon on di bagasan las ni roha dohot hamauliateon godang tu Debata.

H   :  Mauliate ma di Ho ale Debatanami, na mangalehon ngolu na tipak di bagasan taon na imbaru on.

L    :  Dijou Debata do hita laho marsaor dohot Ibana di bagasan partangianganta on, i ma Partangiangan Bona Taon 2018 PUNGUAN NI OMPU RAJA NATANGKANG OMPUSUNGGU BORU, DOHOT BERE SE-JABODETABEK, asa ita jalo sian Ibana hagogoon laho mandalani ariarinta di taon na imbaru on. Antong itapuji jala itapasangap ma Ibana marhite na marende hita.

2.      Marende BE. No. 15: 1-2 Aut na saribu hali ganda BL.103 F=Do

Aut na saribu hali ganda saringar ni soarangki

Naeng nasa gogo bahenonku, mamuji Debatanta i.

Paboa las ni rohangki hinorhon ni pambaenNa i.

Tung sura sahat soarangku tu ujung ni portibi on,

Naeng nasa jolma haraonku mamuji Debata tongtong

Tama do nasa hosangki hubaen pasangap Tuhan i.

3.      Votum~Introitus~Tangiang

L    : Marhitehite Goar ni Debata Ama!

H   :  Na manompa jala na manjadihon hita dohot sude nasa na adong di portibi on.

L    :  Dohot Goar ni AnakNa Tuhan Jesus Kristus!

H   :  Na mangalehon hangoluan na imbaru di bagasan ngolunta, na manobus hita sian sude dosanta marhitehite mudarNa. Ibana do Tuhanta na ro tu portibi on, asa malua hita sian gomgoman ni sibolis, nang na ro paduahalihon di ari sogot, laho manguhumi sude nasa na marhosa.

L    :  Dohot goar ni Tondi Parbadia!

H   :  Ibana do na padomuhon hita di bagasan parsaoranta sadari on. Ibana do na mangajari hita jala na mangalehon apulapul di bagasan hagogotan. Jala Ibana do na manogunogu dohot mangalehon gogo na imbaru di bagasan ngolunta.

L    :  Na manompa langit dohot tano on!

H   :  Amen, hupuji ma goarMu ale Tuhan!

L    :  “Unang hamu mabiar!” ninna Jahowa sitompa saluhut. Ida ma, Ahu paluahon bangsongKu sian tano tungkan habinsaran dohot sian tano tungkan hasundutan ni mata ni ari

H   :  Marende BE. No. 69:1 Ungkap bahal na ummuli BL.84 C=Do

1.  Jesus sai urupi hami, dohot di taon baru on
Paimbaru gogonami, mangihuthon Ho tongtong
Pasupasu ma muse, na porsea sasude

L    :  Ai laho do songot pangisi ni huta na sada tu na sada nari mandok: Beta hita rap marsomba tu bohi ni Jahowa, jala mangalului Jahowa Zebaot! Ahu pe naeng dohot do laho tu si.

H   :  Marende BE. No. 69:2 Ungkap bahal na ummuli BL.84 C=Do

         2.  Pingkiranku ulaonku, tau pasangap Ho ma i
Dungo manang modom ahu,

             Ho tongtong di lambungki
Nang lao ruar masuk pe, Ho ma donganki muse.

L    :  Di jolo ni angka ari on, pagomos hamu ma tanganmuna. Ai bahenonku ma hamu gabe pasupasu tu saluhut bangso, asa gabe bangsongku nasida, jala Ahu gabe Debata nasida. Songon hamu di bagasan Ahu, songon i ma nang nasida di bagasan Ahu.

L    :  Martangiang ma hita! (ida Agenda)

4.      Koor:

5.      Marende SDJ. No. 712: 1 Togu au ale Jahowa G=Do

Togu au ale Jahowa di dalan na rodop on

Ho do na tongtong satia togu au na gale on.

Sagusagu hangoluan sai pabosur tondingkon

Sai pabosur tondingkon!

6.      “Pangkirimon di taon na imbaru”

L    :  Molo tarimangi pardalananta di bagasan taon naung salpu i, godang situtu do angka na masa manipat angka ari. Mardalan hita di bagasan ngolu na gok ondamondam, gok biar rohanta mangadopi sude angka na masa. Adong dope hasonangan di ari marsogot? Manang na ingkon mangolu do hita di bagasan hatahutan!

H   :  Ale Tuhan, asi ma rohaM, togu ma hami saleleng di hasiangan on.

L    :  Gabe sejarah ma taon 2017 di tongatonga ni bangsonta. Bencana alam, kekacauan dohot sude angka na masa, gabe sada gambaran di hita asa tapareahi dirinta ganup. Nang pe songon i, sipata lomos do rohanta, aha do na naeng masa di tongatonga ni bangso Batak songon i di bangso Indonesia na huhaholongi hami on?

H   :  Ale Tuhan, asi ma rohaM, togu ma hami saleleng di hasiangan on.

L    :  Ndada holan i tahe, hatahuton, ganggu dohot biar, sahat do tu tongatonga ni punguan. Torop do jolma i na gabe lam mandao sian tongatonga ni parsaoran di huria, dohot angka punguanpunguan pasada roha. Hasadaon, dame, las ni roha songon i nang parlinggoman ndang be dipataridahon ngolu ni jolma i.

H   :  Ale Tuhan, asi ma rohaM, togu ma hami saleleng di hasiangan on.

                        …………… hohom ……………

L    :  Gabe sorminan ma taon 2017 naung salpu laho mangeahi taon 2018 on. Molo biar rohanta laho mandalani ariarinta, ta ingot ma, adong do Ama na di banua ginjang na mandok hataNa tu hita “Unang mabiar hamu!”, ai ndang pasombuonNa hita mardalan sasadanta. Asal ma hohom hamu, Debata do marporang maralohon sude angka musunta.

H   :  Mauliate ma ale Tuhan, di sude denggan basaM dohot panoguonMu.

L    :  Gabe sorminan ma taon 2017 naung salpu laho mangeahi taon 2018 on, asa lam marsada hita laho patupahon angka na denggan di tongatonga ni parngoluon on, lumobi di PUNGUAN NI OMPU RAJA NATANGKANG OMPUSUNGGU BORU, DOHOT BERE SE-JABODETABEK. Patupahon kerjasama na denggan di tongatonga punguan dohot keluarganta be. Kepedulian sosial, ido na dipangido, asa tarida kemajuan, sejahtera dohot hasintongan di tongatonga ni masyarakat na merdeka.

H   :  Mauliate ma ale Tuhan, di sude denggan basaM dohot panoguonMu.

L    :  Gabe sorminan ma taon 2017 naung salpu laho mangeahi taon 2018 on. Asa tarida hasadaon di tongatonga ni punguan laho patuduhon haporseaon na togu di bagasan ngolunta. Marsada ma pangurus ni punguan dohot ruasna, laho patupahon las ni roha di tongatonga ni punguan. Ai saluhutna do hita tarjou, ndada holan pangurus, alai sude do hita dipangido Debata gabe siulahon na denggan.

H   :  Mauliate ma ale Tuhan, di sude denggan basaM dohot panoguonMu.

7.      Koor:

8.      Marende SDJ. No. 707: 1 Hagogoon dohot apulapul Es=Do

Hagogoon dohot apulapul do dilehon Tuhan i tu au

Ganup ari au ditogutogu, ganup tingki diondingi au.

Ai hombar tu lomo ni rohaNa do dilehon Tuhan i tu au

Ro marsorin arsak las ni roha haporseaonhu di patau.

9.      Epistel Kolose 3: 12-17

L:   Hata ni Debata Epistel di Pesta Bona taon sadari on, i ma natarsurat di Kolose 3: 12-17. Onpe, hamu angka naung pinillit ni Debata, angka na badia jala hinaholongan, solukkon hamu ma parasirohaon situtu, habasaron, haserepon, lambok dohot lambas ni roha!

H:  Masipauneunean jala masisesaan dosa ma hamu, jumpa marpangkurangi na sada dompak donganna; songon panesa ni Kristus di hamu, songon i ma nang hamu!

L:   Alai diginjang ni saluhutna i: I ma haholongon ni roha i; ai i do rahutrahut ni nasa harimpason.

H:  Jala dame ni Kristus i ma mangarajai di bagasan rohamuna, ai tusi do hamu dijou di bagasan sada daging. Gabe parroha mauliate ma hamu!

L:   Gugun ma hata ni Kristus maringanan di tongatongamuna; mardongan sandok hapistaran ma hamu masiajaran jala masipaingotan marhitehite angka ende psalmen, endeende pujipujian dohot ende partondion; endehon hamu ma Debata di bagasan rohamuna marroha hamauliateon!

H:  Jala na siulaon, manang di hata, manang di pambahenan, saluhutna i ma marhitehite Goar ni Tuhan Jesus, huhut mandok mauliate tu Debata Ama marhitehite Ibana.

L:   I do sahatna. Martua do na tumangihon hata ni Debata jala naumpeopsa.

H:  Amen.

10.  Tangiang Pangondian: St. Donald Ompusunggu

11.  Marende SDJ. No. 677: 1 Mansai lambok G=Do

Mansai lambok Tuhan Jesus manjou manjou ho dohot au

Ida Ibana paima haroromu mulak ma ho dohot au

Antong sai ro ma ho, angka na sorat sai ro ma ho.

Mansai lambok Tuhan Jesus manjou, pardosa mulak ma ho.

12.  Jamita: Rom 12: 10 (Pdt. Nikson Simangunsong)

    Hendaklah kamu saling mengasihi (filos) sebagai saudara dan saling mendahului dalam memberi hormat. 

    Ingot hamu ma holong ni roha sama dongan Kristen! Masijolojoloanan ma hamu masipasangapan! (Rom 12:10)

     Nunga marujung sada bagian na balga di surat ni si Paulus na tu halak Rom, i ma bagian teologis-soteriologis (bdn.1-11). Di bagian i, dipajojor do angka na pinatupa ni Debata bahen haluaon ni jolma (indikatif yang besar). Dung i, mamungka ma na imbaru, bagian etis (bdn.12-16), i ma na taringot tu sipatupaon ni jolma na hombar tu ulaon haluaon naung pinatupa ni Tuhan i (imperatif yang besar). Di tingki i ndang denggan dope pardomuan ni halak Kristen tu angka na di balian; tu halak Jahudi dohot tu na leban, laos songon i tu pamarenta. Dihasogohon halak do na porsea i, dirajumi songon musu ni masyarakat dohot bangso. Gabe dihosomi ma nasida, dilelei, dipaburuburu jala dipaporsukporsuk. Menyikapi saluhutna i, ingkon buaton ni na porsea i do keputusan etis na hombar tu hata ni Debata. Taringot tusi ma na pinasingothon ni si Paulus di turpuk on.

     Di bona ni bindu on, dipanghulingi si Paulus do huria i songon sesama dongan. “Angka dongan,” digoar do nasida angka na hinaholongan (Gr. agapeetoi, beloved) di bagasan holong ni roha na sian Debata (Gr. agapee, love) Ringkot do i, ai lam tu ‘maolna’ do sipasingotna i. Songon i pe i, naeng ma hilalaon ni huria i paboa sipaingot sian na manghaholongi do i tu na hinaholonganna.

    Pasahat DAGING (soma) bahen pelean na mangolu, na badia, na hinalomohon ni Debata; i do hadaulaton ni na marroha (ibadahmu yang sejati).

      Hamu angka dongan sahaporseaon di bagasan Goar ni Tuhanta Jesus Kristus!

   Adong ma sada lapo tuak inganan ni na sai angka supir Angkutan Kota (Angkot). Na so panagaman pasoal ma di sada meja di lapo i, sian na minum tuak, di buat ma gitar na gantung di dinding di lapo i, diantukhon tu meja huhut mangondamondam donganna na pasual i. Gasagasaon do amanta parlapo i, alai ndang dia tardokna. Dung di tolai angka dongan, so ma parsualon nasida, jala mulak be. Anggo gitar na niantukhon di pedan i, nunga matapor.

    Dung salpu marpiga leleng, sai tong digantunghon parlapo i gitar naung ponsa i di dinding ni lapo i. Huuji ma manungkun parlapo i. Ai beasa sai gantunghononhon gitar naung matapor on? Ai nunga diganti hamu indi on? So boi be pangkeon?

     Ai ndang gitar i berengonmu bere! Na tarsurat di gitar i do jahaonmu! Aha huroha tarsurat di gitar i? ningku. Sigatma! Ninna amanta i. Hubuat ma tutu gitar i, jala hujaha ma suratna: GITAR SIPOHOLON. Ai aha huroha Sipoholon on? Tong dope so mangertos ho, ninna. Asa botoonmu bere, ompungku do na mambahen gitar on. Hape diantukhon baoa i ma holiholi ni ompungku. Ninna amanta i, huhut peret iluna!

   Aha do na nidokni angka dongan? Boi do parngoluongku marungkil, manang hancur, boi do pamatanghon hansitan, marsahit, baroon, boi do bohingkon ndang bagak…Alai na tarsurat di son, na mambahen on ise do? Tuhanta do na tarsurat di son. Made in JHWH. “Dung i mangkuling muse ma Debata: Tole ma, itatompa ma jolma, tumiru rupanta, tudos tu pangalahonta…” (1 Musa 1:26). Songon di ape rupanta, songon dia pe pardompahanta, songon dia hahuranganta didok deba, songon dia pardosaonta. Tuhanta do sitompa hita, goar ni Tuhanta do na tarsurat di ngolunta. Napinangolu ni Debata do hita.

    Di turpuk on Apostel Paulus nunga lam matua. Pamerenganna nunga lam rambon, gogona nunga lam suda, jala sahit adong di pamatangna didok hira suga di bagasan daging. Dipaubathon ndang olo malum, ditangianghon, gariada di dok Debata: “Tuk ma asi ni rohangku di ho; ai di hagaleon do sun timbul hagogoon. Asa tagonan ma hupapujipuji diringku di bagasan angka hagaleonku, asa songgop tu ahu hagogoon ni Kristus.” (2 Kor.12:9). Ingkon boanonmu mate do sahitmi.

 Angka dongan molo lam matua danging aha ma siulahononhon? Unang songon na jotjot itabege: Eeeee, Asal naung matua do ho! Ninna. Nunga bau tano! Nunga jonok RIP! Hape panghataionmu ramba hira cencen, hira tenejer rambasese.

Tu sude halak Rom, hidupmu yang singkat adalah siasia molo gabe pendendam, molo angka pargulahonon haramunon. Di ayat 11 di dok Apostel Paulus: Oloi hamu ma Tuhan i

Torop natuatua ni halak Batak maol mate, ala sai disolsoli ngoluna ndang denggan pamangkena di haposoonna. Sai naeng putaronna rohana jarum jam ni ngoluna asa adong tingkin laho mulak paturehon angka na niulana na jolo. I do alana laho mate sai mongkikongkik…aha dohononmu bapa, aha dohononmu inong? Ninna anakhonna. Alai sai mongkikongkik…hape mandok pasahat jolo mahafhu si sianu…garar jolo utanghu tu sianu….bahat angka pangalaho na so sanga beres, ndang sanga dipature…

Hamu angka dongan seangnai ngolunta na holan sahali on molo ita pangke gabe ngolu kebencian, gabe ngolu na ramun…Olo hamu ma Tuhan i…Laho mangarade jamita on, hujaha sian bagian tangiang ni Madam Theresia: Saya yakin setiap kali kita berdoa, Tuhan melihat ke tapak tanganNya di bagian mana nama kita terukir…Molo martangiang hita manang di dia pe, pintor dibereng Tuhanta Jesus do di tapak tanganNa. Tangiang ndang holan sekedar pangidoan i. Alai na martangiang hita, i ma pasahathon ngolunta di tangan ni Debata. Beha do ngolunta on tapasahat tu tangan ni Debata. Alanii, ganup martangiang hita, dohonon ni Debata ma, nunga di tanganku ho amang, nunga di tanganhu ho inang! Dohonon ni Debata ma, pangido ma inang, pangido ma amang ai nunga di tanganku ho, lehononku ma. Tangiang adalah Ketika kita menempatkan hidup dan kehidupan kita di tapak tangan Tuhan. Beha do hita manuru halak na so pasahathon ngoluna tu tangan ni Debata martangiang? Alanii tangiang nii manihai do, manguhumi songon tangiang ni Parise. Buku Ende 487 Sipartangiang, i ma halak napasahathon sandok ngoluna tu tangan ni Debata. Secantik apapun kita. Sejelek apapun kita di tangan ni Debata do hita. I do umbahen na didok Paulus Unang ma marpangansi holong (AGAPE). Unang segai holong AGAPE ni Debata di bagasan Jesus Kristus. Di ayat 10: Dos do hata holong dipangke. Alai anggo di hata Gorik ayat 10 hata PILOS (Pardonganon) do dipangke. Molo adong holong ni rohanta di parhahamaranggion STORGE do dipangke. Ingkon holong Agape dohot paturehon holong PILOS dohot holong STORGE-NTA. Ingkon pinaborhat holong agape ni Debata na dibagasan Jesus Kristus do hita mangulahon pardonganon dohot parhahamaranggionta, mangulahon bisnista, mangulahon usaho, mangulahon sude aktivitas naeng ma nirahut ni holong agape ni Debata na di bagasan Jesus Kristus. Amen.

13.  Papungu Pelean

L    :  Tapapungu ma peleanta songon parbue ni haporseaonta, huhut marningot sude denggan basa naung tajalo sian Debata. Taingot ma hata ni Debata na tarsurat di Rom 11:36 na mandok: Ai sian Ibana do saluhutna ro, marhitehite Ibana jala marhapatean tu Ibana do saluhutna i! Di Ibana ma hasangapon salelenglelengna! Antong di bagasan las ni roha, tapasahat ma peleanta marhitehite ende pujian.

H   :  Marende SDJ. No. 691: 1 –Hupasahat ma tu Jesus Es=Do

Hupasahat ma tu Jesus saluhutna ngolungki

Roha nang pambahenanku, saluhutna tingkingki

Ref.      Hupasahat ma tu Jesus, saluhutna diringki

            Hupasahat ma tu Jesus, saluhutna ngolungki.

Pangkeonku ma tanganku, mangula lomoNa i,

Langka nang simanjojakku, mangihuthon Tuhanki.

Ref.      Hupasahat ma …

Nang pamereng ni matangku, mandompakkon Jesus

Soara ni pamanganku, mamuji goarNa i.

Ref.      Hupasahat ma …

Dung huida Tuhan Jesus, hutundalhon dosangki,

Lohot rohangki tu Jesus, sipalua tondingki

Ref.      Hupasahat ma …

Tarhalomong do rohangku dipandok ni Tuhanku,

Aleale ni Tuhanku, au di goar Jesus i.

Ref.      Hupasahat ma …

14.  Parsuruon

L    :  Debata parasiroha jala pardenggan basa i ma na paborhathon hita laho marhobas di ragam ni angka pangulaonta di taon 2018 on. Ndang tarula hamu agia aha, anggo so mardonganhon ahu, ninna Tuhan i. antong jalo hamu ma lombulombu haporseaon i, haintopan hamu do marhite sian i sude sumbia api ni parjahat i. Jangkon hamu ma nang tahuluk haluaon, dohot podang ni tondi, ima hata ni Debata.

H   :  Gomos do ditiop rohangku, ndang tarbahen sirang hita sian holong ni roha ni Debata, na di bagasan Kristus Jesus Tuhanta i, ai Ibana do na maniop ahu di bagasan ngolungku.

L    :  Antong, binsan sadihari dope, taulahon ma na denggan tu saluhut halak, asa ndada be hita na mangolu nuaeng, alai Kristus do na mangolu di bagasan hita. Asa marparange na denggan hita di bagasan ngolunta.

15.  Tangiang Panutup dohot Pasupasu

L    :  Ale angka dongan, tongkinnari, simpul ne ma partangianganta sadari on, alai pos ma rohanta, anggo asi ni roha ni Debata, hot do i ro di saleleng ni lelengna. Debata do na mandongani ahu, Debata do na mandongani hamu, Debata do na mandongani hita saluhutna.

H   :  Pos do rohanami, Jahowa do na mandongani hami, patariparhon hami, ruas PUNGUAN NI OMPU RAJA NATANGKANG OMPUSUNGGU BORU, DOHOT BERE SE-JABODETABEK mandalani taon 2018 naung pinasahat ni Debata tu hita.

L    :  Molo pos do rohanta dipandonganion ni Jahowa, jaloonta ma pasupasuNa di tongatonga ni ulaonta, di tongatonga ni keluarga, di tongatonga ni lingkunganta, songon i nang di tongatonga ni bangsonta. Ai di dok do dihataNa i: “Alai angka na marhaposan tu Jahowa maruli hagogoon mardapotdapot, gabe marhabong ni lali laho manaek. Marlojongi nasida ndang olo loja, mardalani nasida ndang olo mandate”.

H   :  Sai saut ma na pinarbagaMi ale Tuhan, jaloon nami ma gogo sian Ho, di na mandalani taon 2018 on hami. Sai pasupasu ma hami, keluarga nami, lingkungan nami songon i nang bangso nami, laho patulushon lomo ni rohaM di tongatonga ni portibi on.

L    : Antong tatangianghon ma peleanta….rap mandok ma hita tangiang Hatopanta i; Ale Amanami…(jalo hamu ma pasupasu sian Debata): ….

H         :           Marende “Amen, amen, amen”

NIETZSCHE JUGA BERBICARA TENTANG CINTA

NIETZSCHE JUGA BERBICARA TENTANG CINTA

Pdt. Saut Silitonga Mphill

Melayani di HKBP Banuahulu Distrik XVI Humbang Habinsaran

Benarkah? Mungkin inilah pertanyaan awal yang timbul dalam benak kita ketika saya membuat judul ini. Bukankah Nietzsche adalah seorang filsuf yang dianggap nyeleneh tanda kutip; seorang pemikir yang dianggap orang kontradiktif ? Lalu, dengan ke-kontradiksi-an pemikirannya dalam berfilsafat, tidak mungkinlah dia, tanda kutip lagi, berbicara tentang cinta. Dia-lah orangnya yang menghembuskan istilah dalam filsafat eksistensial “Will to power”-nya manusia; bahwa manusia itu pada prinsipnya adalah memiliki hasrat 'hanya' untuk berkuasa. Artinya, menurutnya bahwa tujuan manusia dalam hidupnya tidak lebih dari apa yang disebut dengan kehendak untuk berkuasa. Oleh karena itu, hasrat untuk berkuasa pasti berbanding terbalik dengan apa yang disebut dengan cinta. 

Barangkali dari antara pembaca tulisan ini, nama Nietzche tidaklah menjadi nama yang asing. Bahkan mungkin nama ini adalah suatu nama yang familiar, terlebih bagi orang yang pernah belajar filsafat, atau setidaknya sebagai penyuka (pembaca buku-buku) fillsafat. Akan tetapi, bagi yang baru pernah membaca nama ini saya akan memaparkan siapa dia secara ringkas. Nama lengkapnya Friedrich Wilhelm Nietszche (1844-1900), berkebangsaan Jerman. Bapaknya seorang Pendeta dan kakeknya dari garis keturunan ibunya-pun adalah pendeta. Ia adalah seorang filsuf yang banyak menghasilkan buku filsafat. Dia-lah salah satu filsuf yang dikategorikan sebagai filsuf eksistensial, sebagaimana telah saya cantumkan pada alinea di atas. 

Lalu, pertanyaan selanjutnya adalah apa yang dikatakan Nietzsche tentang cinta, dan cinta apa yang dia maksudkan? “Amor fati”, tulis Nietzsche dalam sebuah bukunya yang berjudul EUVRES (OPERE 2870/1881). Apa artinya Amor fati ? Amor atinya cinta dan fati artinya sesuatu yang sudah tentu dan tidak bisa diubah (atau dengan istilah yang lain : titik pijak pejal yang fixed). Maka, apabila kita mengartikan ungkapan tersebut, arti ungkapan ini adalah 'cintalah kepada apa yang tidak bisa diubah’.

“Terhadap apa yang tidak bisa diubah, yang tercampuradukkan dengan apa yang berguna pada dirinya sendiri, yang dilihat dari atas dan secara menyeluruh,itu bukan hanya harus ditanggung, kita bahkan harus mencintainya...”(A. Setyo Wibowo, hl.165).

Yang tidak bisa diubah dan harus mencintainya adalah hidup di dunia sebagai manusia, dimana ke-manusia-an itu yang terbangun atas elemen-elemen terbesar sampai elemen-elemen terkecil. Dalam penjelasannya, yang dimaksud dengan yang tidak bisa diubah adalah realitas apa adanya tentang segala sesuatu yang bersentuhan dengan kehidupan manusia, entah itu sesuatu yang luar biasa maupun yang bersifat remeh-temeh; entah itu sesuatu hal yang besar maupun yang sangat kecil yang seolah-olah tidak memiliki pengaruh sama sekali. Adapun elemen-elemen besar yang tidak bisa diubah adalah lahir menjadi manusia, mengalami sakit dan kematian. Sedangkan elemen-elemen kecil adalah makanan, ciri-ciri, kebiasaan, ritme gerak, dan lain-lain. 

“Cintailah segala sesuatu yang ada di dalam realitas hidupmu”, kira-kira inilah simpulan dari pembicaraan Nietsche tentang cinta. Artinya, supaya kita mencintai eksistensi kita masing-masing. Tentu, yang dimaksud adalah eksistensi personal, segala kelemahan dan kelebihan personal. Mencintai segala kelebihan, mungkin tidak akan menjadi permasalahan. Akan tetapi, bagaimanakah jika hal itu adalah kelemahan, seberapa banyakkah orang yang sanggup menerima kelemahannya? Bukankah, banyak orang mencoba dan berusaha untuk menolaknya, dengan berbagai cara? Dalam hal inilah cinta/Amor yang dimaksudkan oleh Nietzsche. Sebab, kata Nietzsche pada bukunya yang lain: 

“Siapa saja yang tidak puas dengan dirinya sendiri (mencintai realitas apa adanya), selalu siap melakukan balas dendam : dan kita yang berbeda dengan mereka akan menjadi korban mereka sejauh kita menanggung aspek diri mereka yang mereka tidak sukai. Pandangan orang yang tidak dapat menerima realitas apa adanya, selalu menempatkan apa saja adalah jelek dan suram.” 

Benarkah ungkapan ini, kawan; atau hanya sesuatu yang bersifat naif?

PA SO MA NA MAR HOTEL I, HALAK HITA!

Pa so ma na mar HOTEL i,

halak hita!

(HOSOM, TEAL, ELAT, LATE)

 

Adong opat hadirion marpangalaho di halak Batak. Na opat pangalaho on didok angka natuatua na ingkon sipinsangon, sipasidingon jala sitallushonon sian diri. Angka na dia ma i? I ma: Hosom, Elat, Teal, Late. Jotjot sai dipandok HOTEL.

Dua sisiasia ni hata sian pandohan na parjolo “HO” sian hata HOSOM, sisiasia ni hata “T” sian pandohan TEAL, sisiasia ni hata “E” sian pandohan ELAT,  dohot sisiasia ni hata “L” sian pandohan LATE.

HOSOM i ma pangiburuon, parmusuon, sangkap na roa laho mambahen na so denggan tu dongan jolma.

TEAL i ma moleng, miring, borat sambola, paulaula na mora, paulaula na malo, paulaula na burju. (asing pandohan, asing pambahenan).

ELAT i ma pangalaho na manihai angka na denggan na binahen ni dongan.

LATE pangiburuon, parmusuon, sangkap na roa laho mambahen na so denggan tu dongan jolma. Roha elat molo so tolap nirajaan gabe late. 

Pa so ma na mar HOTEL i, halak hita!

SELAMAT TAHUN BARU TODAY IS A GIFT-THAT’S WHY THEY CALL IT “THE PRESENT”

SELAMAT TAHUN BARU:

TODAY IS A GIFT-THAT’S WHY THEY CALL IT “THE PRESENT”

Pdt. Saut Silitonga Mphill

Melayani di HKBP Banuahulu Distrik XVI Humbang Habinsaran

            Selamat datang siklus waktu, waktu yang baru! Kita bersyukur karena waktu yang masih kita rayakan adalah waktu tempora, bukan ultima atau momentum. Terpujilah Tuhan karena IA mendengarkan permohonan kita, yang kita sampaikan pada awal tahun yang lalu. Permogonan kita adalah “Ya Tuhan, kami memohon tahun ini tidak menjadi annos horribilis!” Tuhan mengabulkannya. Terlepas dari problema kita secara pribadi, gereja kita HKBP dijauhkan dari peristiwa-peristiwa  menakutkan (horror); justru yang kita alami dan kita kerjakan adalah betapa banyak berkat dan karunia Tuhan yang pantas disyukuri dan dirayakan.

            Berbicara tentang ‘waktu’, secara khusus tentang pemaknaannnya, kita akan banyak menemukan pendapat atau penafsiran atasnya. Masing-masing orang pasti memiliki perspektif pribadi; masing-masing kelompok pasti memiliki perspektif kelompok, dan lain sebagainya. Ada orang menganggap bahwa ‘waktu’ adalah suatu titik ambang batas untuk merenungkan yang kekal dan yang fana. Ada kelompok yang menganggap bahwa ‘waktu’ adalah sebagai metafora perubahan ke arah yang lebih baik atau lebih sempurna; itu sebabnya pada ujung tempora selalu membuat suatu rujiruji (bhs. Batak). Bahkan ada kelompok yang menganggap bahwa ‘waktu’ adalah penyadaran akan apa yang disebut dengan perubahan. Hal ini seturut dengan sebuah istilah orang Romawi yang berkata “tempora mutantur, et nos mutamur in illis”, yang artinya waktu berganti/berubah dan kita pun berubah di dalamnya. Berubah secara fisik, ataupun visi/misi, perspektif ataupun cita-cita. Hal ini seturut dengan: keadaaan/kemampuan, ilmu, dan teknologi.

            Tempora mutantur, et nos mutamur in illis, zaman (waktu) berubah dan kitapun ikut berubah di dalamnya. Sebenarnya, perubahan yang kita harapkan adalah perubahan ke arah yang lebih baik. Namun yang terjadi terkadang ke arah yang sebaliknya. Coba kita melihat kepada realita. Zaman sekarang adalah suatu zaman dimana kemajuan teknologi informatika sangat pesat. Hal ini juga mengakibatkan terjadinya perubahan pada apa yang disebut dengan “moral/ethic change”. Perubahan terjadi dengan cepat, dan diikuti dengan perubahan nilai-nilai. Lalu, perubahan ini juga sangat sulit dihadapi, apalagi dengan cara-cara konvensional, yang dogmatis maupun dengan cara legalis. Siklus waktu yang dibarengi dengan kemajuan ilmu dan teknologi seolah-olah justru menciptakan horror dan kepanikan.

            Mari lupakan sejenak kemajuan ilmu dan teknologi beserta dengan segala efek yang ditimbulkannya. Ia akan tetap berjalan seiring dengan berjalannya waktu. Yang baru dan yang canggih akan selalu muncul, seolah-olah berlomba dengan waktu, seolah-olah mau saling mendahului. Jika kita melihatnya dengan gamblang dan santai, waktu dan teknologi adalah seolah-olah seperti dua anak yang sedang berlomba, he...he...hee... Lalu, ketika mereka sampai kepada sebuah ‘finish kecil’ (berupa hasil atau produk), bukankah kita sendiri nantinya yang menikmatinya?

            Mari kita merayakan tahun yang baru ini. Untuk merayakannya, kali ini aku mengutip sebuah kalimat yang berkata “Today is a gift-that’s why they call it ‘the present’ ”. Hari ini adalah anugerah; semua waktu yang kita terima adalah pemberian Sang Empunya Waktu. Karena waktu adalah suatu pemberian, itulah sebabnya mereka (yang memiliki bahasa ini) menyebutnya dengan kata “Present”, yang artinya hadiah. Tahun yang baru ini adalah hadiah. Betapa beruntungnya kita ada dan berada di dalam waktu. Menurut saya ungkapan ini hendak menyadarkan kita bahwasanya”ternyata setiap hari Tuhan sudah menyediakan dan selalu memberikan kita hadiah”. Ini adalah suatu kepastian bahwa pada tahun ini, tahun 2018, Tuhan sudah menyediakan hadiah bagi kita hari demi hari. Itu berarti, bahwa tahun ini adalah tahun penuh pengharapan, penuh berkat, tahun penuh anugerah. Maka, bersama-sama dengan Tuhan, kita melangkah dengan penuh optimis. Apa yang ada dalam bayangan Aaron Soren Kierkegaard, ketika ia berpikir In Fear and Trembling in Anguish, tertutupi oleh Full Present of God. 

TANGIANG ALE AMANAMI MARSURAT BATAK

BONA TAON-ARISAN PUNGUAN SONAK MALELA SEKTOR 4 LUBANG BUAYA-PDK GEDE

MODEL A

BONA TAON

Di Bagas Ni Keluarga Pardede br. Sitorus

Jl. Bandung Pintu 2 Taman Mini Indonesia Indah (TMII)

Sabtu, 3 Februari 2018 Pukul 20.00 WIB

I. Partangiangan

1.  Marende BE. No. 14: 1+6 “Puji hamu Jahowa tutu” BL. 57 Bes=Do

Puji hamu Jahowa tutu,

Pardengganbasa,

Parasiroha salelengna i

Pardengganbasa i, Parasiroha i.

Sai burju be marende sude,

Mamujimuji Tuhan

Debata, Jahowa i

Parasiroha i, na marmulia i.

2.  Votum – Introitus – Tangiang

L:    Marhitehite Goar ni Debata Ama dohot Goar ni AnakNa, Tuhan Jesus Kristus dohot Goar ni Tondi Parbadia, na tumompa langit dohot tano on.

J:    Amen.

L:    Puji ma Jahowa, hamu ale angka surusuruanNa. Dibege Sion doi, Jadi marlas ni rohas ma, marolopolop ma angka boru Juda, ala ni panguhumNa ale Jahowa!

J :   Jahowa do Raja marolopolop ma tano on,

L :   Marlas ni roha ma pulo angka na lan i. Haleluya! Martangiang ma hita: Ale Tuhan Jesus Kristus, Ho do panondang na sintong, na manondangi ganup jolma na di portibi on! Sondangkon ma bohim tu hami jala parbadiai ma rohanami, asa hutanda hami dalan hangoluan marhite sian i. Sai rajai ma hami, asa unang manimbil hami sian dalan na sintong i. Ale Tuhan jahowa, patongtong ma rohanami marhaporseaon tu Ho marhitehite Tondi Parbadia. Amen.

3.  Marende BE. No. 9: 6 “Hupuji holong ni” BL. 110 C=Do

O Jesus, uhir ma goarMu torang,

Bagas tu rohangkon.

Asa tarsurat di jolongku 

Holong ni rohaMi tongtong.

Hatangku ro di parangengku

Ingkon dipuji do goarMu.

4.  Manjaha Hata Ni Debata

L:    Tajaha ma Hata ni Debata Turpuk di Partangiangan on, na tarsurat di Mateus 5: 1-12 Asa dung diida Jesus halak na sai torop i, nangkok ma Ibana tu sada tor jadi hundul ma disi : dung i didapothon angka siseanNa ma Ibana.

J:    Dung i marsoara ma Ibana mangajari nasida, ninna ma:

L:    Martua ma na pogos tondi, ai di nasida do harajaon banua ginjang i!

J:    Martua ma na marsak roha, ai siapulon do nasida!

L:    Martua ma na lambok roha, ai teanonnasida do tano on!

J:    Martua ma na mauas male mida hatigoran, ai sipabosuron do nasida!

L:    Martua ma na asi roha, ai siasian do nasida!

J:    Martua ma parroha na ias, ai idaonnasida do Debata!

L:    Martua ma sibahen dame, ai goaron do nasida anak ni Debata!

J :   Martua ma na pinaburuburu ni halak ala ni hatigoran, ai di nasida do harajaon banua ginjang i!

L :   Martua ma hamu, molo diinsahi halak hamu manang dipaburuburu manang dipatubutubu ragam ni hata na roa, na so tutu, dompak hamu ala ni Ahu!

J :   Las ma rohamuna jala marolopolop,

L:    ai godang do upamuna di banua ginjang i, ai songon i do dipaburuburu angka panurirang na jumolo sian hamu. I ma sahatna! Martua do natumangihon Hata ni Debata jala nauimpeopsa!

L+J:Amen.

5.  Marende SDJ. No. 755: 1 “Haposan Ho Tuhan” BL. 755 ES=Do

Haposan Ho Tuhan hot do holongMu,

Di las ni roha, tingki arsak pe

Asi ni rohaMi nang pambaenanMu,

Ho Sipalua, Pangondingan pe

Haposan Ho Tuhan, haposan Ho Tuhan, Ndang na mansohot asi ni rohaM

Nasa na ringkot di au diparade,

Tung ala ni asiM do i sude

6.  Tangiang Pangondian: Ny. Simangunsong br. Simanjuntak

7.  Marende BE. No. 216: 1+5 “Gargar dolok” BL.89 Es=Do

Gargar dolok tapor batu

Ndang na gargar asi ni

Roha sian Debataku

Sai na hot padanNa i

Asi ni rohangku do,

Ndang na munsat sian ho

Sai patogu ma rohangku,

O Tuhan di HataMi

Unang pola au be ganggu

Paima bagabagaMi

Asi ni rohangku do,

Ndang na munsat sian ho

8.  Jamita: Pdt. Nikson Simangunsong

9.  Marende SDJ. No. 706: 1… “Godang ni pasupasu i”     BL. 706

G=Do (Pelean)

Godang ni pasupasu i dilehon Tuhanki

Tarlobi asiasiMi marhite AnakMi

Ref.:   

Jalo ma pujianki, Jesus Sipalua i

            Boi au bongot tu Surgo i

Marnida hasangaponMi

Tondong nang aleale i

Palashon rohangki

Alai na ummuli i boi au anakMi.

Ref.: Jalo ma pujianki...

10.  Pelean - Tangiang Ale Amanami

11.  Pasupasu – Amen, amen, amen.

II. Acara Ramah Tamah

DUNG SONANG ROHANGKU

DUNG SONANG ROHANGKU

(Buku Ende HKBP No. 213)

Philipp Paul, Bliss 1876

Horatio Gates Spafford sorang di ari 20 Oktober 1828 di luat Lansungburgh, New York. Sada halak pengacara huhut pengusaha na gabeak di luat Chicago.  Horatio Gates Spafford inantana, Anna Spafford, dohot 5 anakhon nasida (sada halak baoa dohot opat halak borua). Di taon 1860 an keluarga na bonggal na tarbarita do keluarga ni si Horatio Gates Spafford di humaliang luat Chicago. Sai mardapotdapot do parlabaan ni si Horatio Gates Spafford sian usahona reals estate di topian ni tao Michigan. Nang pe di bagasan ngolu na mamora jong, na bonggal tarbarita, parhuria na utusan do nasida di huria Presbysterian.

Di sada tingki masa ma udan na so hasaongan. Di taon 1870 uju marumur opat taon dope anakhon baoa nasida i,  masa ma sahit Begu Antuk (demam berdarah), gabe marujung ngolu ma anak nasida i. Habot situtu ma roha nasida, ala panadinghon ni anakhonnasida i. Mangihut ma muse di taon 1871 masa ma hagoran bolon di luat Chicago (Great Chicago Fire), masurbu ma luhut aset-aset real estate nasida, gabe tumpur ma usaho nasida i. Nang pe songon i, anggo amanta Horatio Gates Spafford ndang na gabe margudompong. Sai tubu dope rohana laho mangurupi angka dongan sahutana na agoan bagasna be, na pasidohot manghilalahon harugian, ala pangontak ni hagoran bolon i.

Dung lam dumenggan partingkian, marsangkap ma si Horatio Gates Spafford laho mangusung keluargana marlibur tu Eropa, songon pasonanghon roha nasida be.  Di taon 1873, sada halak parbarita na uli alealena  D. L. Moddy dohot Ira D. Sankey marsangkap patupa parrapoton ni angka parbarita na uli di Inggris, borhat ma amanta Horatio Gates Spafford dohot inanta i rap dohot boruna na opat i. Borhat ma nasida marhopal laut uap Perancis SS Vile du Havre sian New York, manuju Inggris mangalaosi samudera Atlantik. Alai tompu amanta Horatio Gates Spafford ndang boi dohot, ala urusan bisnis na mansai ringkot na so boi tadinghononsa. Holan inanta i, dohot na opat borunasida i, ma na borhat, jala mandapoti ma anggo amanta Horatio Gates Spafford.

Di borngin ni ari 22 November 1873, martumpur ma kopal laut SS Vile du Havre i, tu kopal bosi Inggris The Loch Earn. Di bagasan 12 minut, lonong ma kopal SS Vile du Havre tu laut na bagas, pola 226 halak panumpangna, padohot na opat halak boru ni  si  Horatio Gates Spafford: Annie, Maggie, Bessie dohot Taneta. Anggo inanta i, Anna Spafford malua do sian mara i, rap dohot  47 halak nari. 

Malua do si Anna Spafford  sian na masa i, jala ibana ma na patolhashon taringot tu na masa i: "Sai hira na hona ossop do huhila tu lung laut i. Pola malua borungku si Taneta sian abinganku, ala sai dipangambalhon galumbang i.” Songon i boru nasida si Maggie dohot Annie, adong nian sada halak baoa na poso laho mambuat sian kopal i. asa mumbangumbang di parhau ni kopal i.  Alai dung sai marlange tarhira 30-40 minut, gabe mapeut do nasida sian sitioponna be, gabe mate mumbang ma di laut i.

Sia ari dung na masa i, sahat ma nasida luat Cardiff, Wales, di tongos inanta Anna Spafford ma telegram tu amanta i Horatio Gates Spafford: "Saved alone. What shall I do?" (sasada ahu nama, aha ma patupaonku? aku sendiri yang selamat, apa yang harus kulakukan?)  Dihobashon  amanta Horatio Gates Spafford borhat tu Inggris laho manjumpanghon inanta i Anna Spafford.

Di pardalanan laho tu luat Inggris, dipatuduhon kapten kopal na tinompangna i ma inganan parharoman ni kopal SS Vile du Havre, mambahen laos so tarpodom  amanta Horatio Gates Spafford. Na nia lelengna sai marpingkiri sai marhosa ganjang mangarimangi angka na masa i. Di bagasan roha na mangopu digurgethon amanta i ma di sada harotas:  “When peace like a river attendeth my way, When sorrows like sea-bellows roll, Whatever my lot, Thou has taught me to say, ‘It is well, it is well with my soul!’ "It is well, the will of God be done." (Hal ini baik, kehendak Tuhan, terjadilah). Di ginjang ni kopal i ma  Horatio Gates Spafford manurathon hymne "It is well with my soul" molo pangantusion na lumambas: Jiwaku sanggup menerima (cobaan ini) manang terjemahan bebas: Jiwaku baik-baik saja (walau didera penderitaan). Di parjumpanganna dohot inanta i, Anna Spafford didok amanta i: Ndang na agoan anakhon hita on, na masitopot langkana be do pe hita on ("Kita tidak kehilangan anak-anak kita. Kita hanya berpisah dengan mereka untuk sementara.")

Diusung amanta Horatio Gates Spafford ma inanta i Anna Spafford tu Chicago, di si ma nasida manguduti ngolungolu nasida. Dipasupasuhon Tuhan i ma tolu anak muse. Parjolo di taon 1876 goarna Horatio marningot anaknasida na parjolo i. Taon 1878 sorang boru nasida si Bertha jala dua taon na mangihutna i di taon 1880, sorang ma si Grace.

Alai dung marumur 4 taon si Horatio marujung ngolu do, ala sahit Begu Antuk (demam) songon hahana uju i. Mardapotdapot na masa i.  Ndang marpiga leleng dung na masa i, dipabali huriana muse ma nasida: Ala di dok roha ni huria i, ala adong do na so suman di ngolu ni Horatio Gates Spafford, umbahen gabe masa angka na masa i.

Di bulan September 1881, borhat ma Horatio Gates Spafford mamboan keluargana gabe marhuta di Jerusalem. Dibahen nasida ma punguan nasida margoar "American Colony." Manghobasi angka namarhahurangan, angka na pogos, na marsahit, na sopot so marama so marina, na so mardihadiha. Mangulahon holong ni Tuhan Jesus.  Novelis Swedia, Selma Ottiliana Lovisa Lagerlof manurathon parngoluon nasida on marhite novelna "Yerusalem." Di pudian ni arina, manghamonanghon hadiah Nobel. 

When peace, like a river, attendeth my way,

When sorrows like sea billows roll,

Whatever my lot, 

Thou has taught me to say,

It is well, it is well, 

with my soul.

It is well, with my soul.

It is well, with my soul.

It is well, it is well,

with my soul.

Though Satan should buffet, though trials should come,

Let this best assurance control

That Christ has regarded 

my helpless estate,

And hath shed His own blood 

for my soul.

My sin, oh, the bliss of this glorious thought!

My sin, not in part but the whole

Is nailed to the cross, and I bear it no more,

Praise the Lord, praise the Lord, oh my soul.

And Lord haste the day when my faith shall be sight,

The clouds be rolled back as a scroll,

The trump shall resound, and the Lord shall descend,

Even so, it is well with my soul.

It is well, with my soul. It is well, with my soul.

It is well, it is well, with my soul.

Sian marpiga sumber

ni gurithon marhata Toba.

Nick Hajut 2018