Di na sada tingki, diontang sada ompu ahu asa gabe sipartangiang di ulaonnasida. Ia goar ni ulaon i MARSIHOLSIHOL TU OMPUNG.
Sadasada ma nasida mandok hata mauliate tu inongnasida naung pagodanggodang nasida. Dung ris be nasida na marhahamaranggi mariboto, hela, parumaen na mandok hata i, dipasahat nasida ma tingki tu sada halak perwakilan ni pahompu mangido pasupasu sian ompungna.
Dungi mandok hata ma ompung boru i:
Mauliate ma di Tuhanta Pardengganbasa i, ai diramoti do hita saluhutna mardame sonang. Nang pe sai hira na diloas Debata do pe deba sian hamu ndang dope sada roha, ndang masipakulingan, gariada masilesengan, marmusu tihus.
Di rohangku uju di ngolungku on ma patuduhononmuna tutu situtu ma hamu mardame jala masipauneunean. UNANG TANOM HAMU AHU INONGMUNA ON, SO JOLO MATE. Ninna!
