LANTEUNG
“Tanaman Yang Cantik Namun Tidak
Berguna”
Lanteung sada suansuanan di ladang, marsugasuga
di sude bonana nang di tampuk ni angka bulungna pe. Parbuena tarsongon parbue ni
Terong Belanda, gononggonong.
Ratarata bulungna tarbolak, ratarata ma
parbue ni lanteung on uju bibi dope, jala mamungka marrara ma molo mandok malamun.
Nang uju bibi, tata, nang uju malalum ndang
hasea panganon ni manang aha pe. Nang panganon ni binatang. Nang panganon ni manisia.
Ndang adong labana. Atik pe bagak, rata, atik pe so marrasun parbuena.
Angka na di hita an, dihuta jotjot do
mambege pandohan on jala mamparariarihon hata lanteung. Isara molo muruk sadasada halak natuatua
tu anakhonna manang tu bajarbajar naposobulung, manang tu donganna pe ala so
marlabu, ala so marlapatan na niula ni donganna i, manang ala so denggan pangalahona,
didok ma “Jolma Lanteung ho!”, ”Lanteungon ho!”, “Tu sada i ma ho Lanteung!”
Di tingki sihadanakon niiba molo masa mamuro
di saba manang di darat, uju runsang eme, olo ma marendeende sama dakdanak di
soposopo manang di pansapansa huhut marnarik hotorhotor songon i marsurak mangelat amporik.
Endenami hatiha i: “…pong, pong, pong, pong…”Lanteung mullopullop!” “Lanteung
mullopullop!”
"On do pe huboto da amang...
(dialusi dongan!)Oi amang oi, amang oi...
Marsikat gigi na so mangingi da amang...
(dialusi dongan!) Oi amang oi, amang oi...
Jala on do pe huboto da inang...
(dialusi dongan!) Oi inang oi, inang oi...
Markassa mata na mapitung da inang...
(dialusi dongan!) Oi inang oi, inang oi...
(rap mangendehon) Pariban na boha do nantulang paribanku on, pariban na boha do nantulang paribanku on, pariban na boha nantulang paribaku on, marpiorpior jambulonna..." )Losok marsuri pariban i). (catatan: hehehe....tabona i uju sihadakon i di huta!).
Songon i ma pinarulakulakhon ndang marnaloja, huhut ginantungkon katapel di rungkungniiba.
"On do pe huboto da amang...
(dialusi dongan!)Oi amang oi, amang oi...
Marsikat gigi na so mangingi da amang...
(dialusi dongan!) Oi amang oi, amang oi...
Jala on do pe huboto da inang...
(dialusi dongan!) Oi inang oi, inang oi...
Markassa mata na mapitung da inang...
(dialusi dongan!) Oi inang oi, inang oi...
(rap mangendehon) Pariban na boha do nantulang paribanku on, pariban na boha do nantulang paribanku on, pariban na boha nantulang paribaku on, marpiorpior jambulonna..." )Losok marsuri pariban i). (catatan: hehehe....tabona i uju sihadakon i di huta!).
Songon i ma pinarulakulakhon ndang marnaloja, huhut ginantungkon katapel di rungkungniiba.
Na so panagaman tompu ma ro sada halak
natuatua sipsip, nangetnanget monjabonjab manjonohi hami sompong dipagogo suarana
mandok: Babami! Ise so mangajari hamu?
Songon i ma, sahat toshas tu saonari sai
hira hata tongka dohonon Lanteung mullopullop on!
Tongka! Ala?
Jaga ma halak Batak, so tung gabe
Lanteungon!
Bagak berengon, alai ndang marlabu!
Bagak berengon, alai ndang marlabu!
Hajut
2020 Nikson Simangunsong
