TANGIANG NI SIPARTANGIANG
DI PARMONDING NI
SADA HALAK SINTUA MANANG RUAS NI
HURIA
Ale
Tuhan Debata, Ama ni Tuhannami Jesus
Kristus Raja ni huria i. Na sian nahinan jala na mangolu ro di saleleng ni lelengna!
Tingki on na marhabot ni roha do hami
ala parmonding ni dongannami Parlado di huriaM HKBP Pondok Gede, i ma inanami St. … naung pajolohon tu lambungMu, manadingkon amanami … dohot anakhonnami …. Di Ho do anakhinsu
ni banua ginjang, jala diungkap Ho do i di angka na mangasahon Tuhan Jesus
Kristus. Na rungka do rohanami ala panadinghon
ni dongannami on. Alai mauliate ma rohanami tu Ho, ala ditubuhon Ho hami tu
pangkirimon na mangolu, gabe partohap hami di hangoluan na so ra suda.
Sai
sungguli ma rohanami mambahen tiruan na denggan di angka pinomparnami. Sai
apuli ma keluarga … dohot keluarga … dohot huriaM. Sai taiti ma rohanami mamereng dompak ginjang. Sai lehon TondiM tu hami asa
tangkas dihatindangkon tu hami, naung dohot do hami anakMu jala panean di arta
na di banua ginjang. Sai padao ma ganggu ni roha sian hami, asa hot
haporseaonnami maniop Tuhan Jesus Sipangolu i. Sai patiur pardalanannami saluhut rombongan laho pataruhon
bangke ni dongannami on to TPU … ingananna parsatongkinan i.
Ari na tiur dohot
na torang, pardalanan na sonang sarihonma di hami, ala asi ni rohaM di bagasan Tuhan
Jesus Kristus, Tuhannami. Amen.
Tidak ada komentar:
Posting Komentar